Toshkent viloyati sanoat zonalari delegatsiyasi Turkiyada

Toshkent viloyati sanoat zonalari xodimlari hamda viloyat hokimligi vakillaridan iborat delegatsiya aʼzolari ayni kunlarda Turkiya Respublikasida xizmat safari bilan boʻlib turibdi. Tashrifning asosiy manzillaridan biri — Turkiya sanoatining yuragi hisoblangan Anqara shahridagi nufuzli “OSTIM Global” turk sanoat klasteri ofisi boʻldi. Tashrif doirasida: Xalqaro tajriba: Sanoat zonalarini boshqarish, infratuzilmani rivojlantirish va klaster tizimini samarali yoʻlga qoʻyish boʻyicha Turkiya tajribasi yaqindan oʻrganildi. Yangi investitsiyalar: Toshkent viloyatida zamonaviy sanoat klasterlarini tashkil etish va turkiyalik investorlarni hududiy loyihalarga jalb qilish masalalari muhokama qilindi. Malaka oshirish: Mahalliy mutaxassislarimizning boshqaruv koʻnikmalarini oshirish boʻyicha oʻzaro kelishuvlarga erishildi.